I ēnei rā kei te aro te katoa o tātou ki te ao matihiko. Ka kaha whakawhiti kōrero ngā mātua, ngā kaiako, otirā te whānau whānui. Kua huri tātou katoa ki te taupānga pukamata. E mōhio pai ana au ki ngā mahinga, ki ngā āheinga o te whakamahi i te ipurangi hei huarahi mā tātou.
Mō tēnei o ngā rangitaki, ka whakamahia e au i te tukanga a Rolfe’s reflective model hei hāpai i ahau ki te wetewete i ngā kohinga kōrero nei.
He aha? Kua mōhio pai ahau ki te hiahia a ngā mātua kia whakamahi i a pukamata hei huarahi hononga. Kua kite koia nei te huarahi ngāwari hei whakawhiti kōrero ki ngā mātua, ahakoa te pouri i te nuinga o te wā kei runga rātou i a Pukamata, he ngāwari ake te whakapā atu ki ngā mātua mā tērā huarahi. Heoi ko te raru ko ētahi o ngā mātua e whakairihia i ngā take e pā ana ki ngā mahi o te rā ki wā rātou whārangi hei kaupapa kōrero mō te katoa. Ko ngā huarahi whāinga mā tā tātou kura ka whakamahia e te tari i te pukamata. Heoi ko te huarahi whāinga mā ngā kaiako, whānau me ngā ākonga ko te tīemiemi (Seesaw) he huarahi e āhei ana ia ākonga te noho haumaru.
Nā reira? Mā te whakamahi i te Ehrich’s model kua tautohua e au i te hononga ki ngā hāpori me te whānau whānui hei aronga māku. I tīmata au te whakaaro mō ōku ake whakapono, me aku whakamaioha hei rapu i te huarahi pai mōku anō.
Nā taku kaha aro ki te pukamata, ko tāku he whai i te huarahi pai mōku anō kia rapu i taua rarangi, kaiako, rarangi tangata ake. Ka whakamahia e au i taku whārangi pukamata, kia whakapā atu ki ōku hoa, ki taku whānau whānui, otirā ngā mahinga o te wā. Ko tāku he rapu he huarahi kia whai wāhi au te noho hei kaiako, otirā te noho tangata ake nei. Ka hoki māhara ki ngā kōrero mai aku kaiako i te whare wānanga o Waikato, ki te whakarite koe he whārangi pukamata, ka kitea e te ao. Ko tāku he āta whakaarohia mō ngā momo mea ka whakairihia ki taku whārangi, ngā whakairinga o ōku hoa he aha hoki ngā kitenga ka kite e te mārea.
Koia nei tētahi take i whakatauhia ka waiho te whārangi pukamata mō te kura whānui, ko ngā kōrero e whai pānga ana ki ngā ākonga ka whakairihia ki runga o Tīemiemi. Mā reira ka kite atu he aha ngā rawa ka whakairihia ki runga i ngā whārangi. Ki konei ka whai wāhi ōku ake hiahia mō tōku ake whārangi ki runga o Pukamata, he noho muna ngā tautuhinga, ka whakakorengia ngā hononga ki ngā mātua o te kura, inā kāore he hononga ā whānau, ka waiho i tōku whārangi hei whārangi mōku anō.
Ka aha inaianei? whakapono ana ahau ki te hirahiratanga o te whakamōhio atu ki ōku ākonga mō te noho haumaru i a rātou e mahi ana ki runga i te ipurangi, kia mōhio hoki i te hirahiratanga o te ako i ēnei momo mōhiotanga, te noho muna hoki. He hirahira hoki ngā kōrero nei nā ngā hononga ki ngā kawenga a te kaiako Code of Conduct ki roto nei ka whakamana tātou ngā kaiako i ēnei kōrero e hāpai ake nei e tātou katoa te hunga e whai ana i tēnei huarahi.
Reference
Rolfe et al.’s (2001) reflective model
Lisa Catherine Ehrich , Megan Kimber , Jan Millwater & Neil Cranston (2011)
Ethical dilemmas: a model to understand teacher practice, Teachers and Teaching: theory and
practice, 17:2, 173-185,
https://educationcouncil.org.nz/sites/default/files/Our%20Code%20Our%20Standards%20web%20booklet%20FINAL.pdf
Kei te whanaunga Mīharo! Kātahi rā te kaupapa pēnei. Mōhio mārika au ki ngā āhuatanga Pukamata. E rua aku whārangi - Tētahi ā kaiako nei, tētahi mo taku whānau, hoa... Rata katoa au te āhuatanga o te whakamahi Tiemiemi. Kei te ngana au ki te whakaoti i aku tuhinga ā-ipurangi nei... LOLZ Homai te kaha!!!
ReplyDeleteTēnā koe, ae i te pērā ōku whakaaro kia whakarite ngā whārangi e rua, heoi he koretake kē ahau ki te whakahaere i taku ake whārangi koirā te take i waiho pērā. kotahi noa te whārangi māku.
ReplyDeleteTēnā koe Te Rua, kua mārama pai ahau ki ērā kōrero āu e pā ana ki te whakapāho atu ki te ao i ngā raruraru i runga i te Pukamata. Ki ōku nei whakaaro, me whai ngā mātua, ngā kaiako, me ngā whānau katoa i ngā tukanga kua whakatakoto i roto i te kaupapa here i te kura. Hei tauira, me tukua ngā take katoa e pā ana ki te kura kanohi ki te kanohi. Koia hoki te āhuatanga o te Māori. He ngāwari noa te whakatau inā ka kitea te katoa o te tangata. Mō ngā painga o te taha matihiko, he rawe ki au te whakawhiti kōrero mā te Tīemiemi i te mea kāore te ao e kite.
ReplyDeleteTēnā koe Kataraina, nāu i whai wāhi ki te pānui mai i taku rangitaki. ae tika tāu mō te whakarite kanohi ki te kanohi, kia mōhio pai ngā mātua ki te katoa o te kōrero.
DeleteKia ora Whaea,
ReplyDeleteMohio puu au ki enei tumomo ahuatanga ki runga I a Pukamata.
Ka noho ahau ki toku kainga, me tonoa tino iti. He whanaunga katoa tatou ki toku kainga, no reira he maha o oku hoa ki runga I a pukamata he whanaunga. He korero akiaki pea, whakatakoto I etahi guidelines mo nga Matua, mena kare e aro ki era guidelines me aukati ratou ki runga i a Pukamata? Aku rima heneti noiho.