Week 19 - Contribution of Teacher inquiry to my communities of practice

Activity 3: Contribution of Teacher Inquiry Topics to my Communities of Practice

Create a reflective entry where you critically reflect on how two potential and inspiring digital and/or collaborative learning related teacher inquiry topics would contribute to your Communities of Practice. Your reflection should be based on a reflective model of your choice.

This week we ask, what is a Community of Practice? We explore some definitions and integrate these into the required blogging task, a discussion on how your possible topics for the Teacher Inquiry project plan in the RESEARCH paper are related to and could contribute to your Community of Practice.

He aha tēnei mea te Community of Practice? Mā te whai anō i ngā rangahau a Jay and Johnsons ēnei whakaaro e whai oranga anō.

Hāpori: he aha tēnei mea te hāpori, ko te whānau whānui, i te mea he kura Māori tātou ka kaha aro ki te whānau, otirā te whānau whānui. Mā te mahi tahi tātou e ora ai Wenger-Trayner and Wenger-Trayner (2015).  Ka noho tā mātou kura i raro i te maru o Ngāti Toa nā tērā me kaha kite i te huarahi o te mahi tahi ki ngā tangata katoa kei te whānau whānui otirā te hāpori katoa.

Teihana 1(Whakaaturanga) E rua ngā huarahi hei aronga mōku, i te tīmatanga i aro au ki te Class Dojo me te SeeSaw heoi kua kite kāre au i tino whakamahi i te ClassDojo, heoi anō kua tīmata au ki te whakamahi i te Trello i tēnei tau, me te ngāwari hoki o te whakamahi i tēnei taupānga, ā he ngāwari te whakaemi i ngā mahi i runga ake i tēnei.  Ko tā mātou i tēnei wāhanga he hāpai ake i te Trello me te SeeSaw i roto i aku akoranga katoa.  I te tīmatanga he uaua he pōturi hoki nā ngā āheinga rerekē a ngā ākonga heoi i te mutunga he orite ngā mahi. Ā kua rongo i te hari o ngā mātua ki te tiro atu ki ngā mahi i taua wā tonu.

Ko tāku kua kite mō te mahi ngātahi ki ngā taiohi nei ko te noho pū ki ngā akoranga matihiko me tā rātou āheinga ki te ora i roto i tēnei ao matihiko.  Nā te kaha hāpai ake o te kura katoa ki tēnei ao o Tīemiemi kua tino kite i ngā āheinga.  Ko au tētahi o ngā kaiako mō ngā mahi kapa haka i roto i te kura tuatahi, ā ko Tīemiemi tā tātou huarahi hei whakairi i ngā waiata, i ngā kupu otirā ngā ā-ringa.  Ko tāku e kite nei me rite matika mātou ngā kaiako, me whai wāhi ki te whakairi i ngā kōrero, e āhei ana ngā ākonga ki te whakairi i wā rātou ake kōrero, inā he whakaaro hoki wā rātou.  

Ko mātou ngā kaiako katoa kei runga i te huarahi kapa haka me whai wā ia kaiako ki te whakairi i ngā ākoranga mō taua wiki, mō taua waiata, mō aua nekehanga, me kī he waka eke noa.  Kua pērā hoki i roto i ngā akomanga tau 6-8 me whai wāhi ngā kaiako katoa ki te whakarite, whakawhiti kōrero ki ngā ākonga.  Ko tēnei mea te CoP ki tā te tirohanga a Leffler (2015) ko te hunga e āhei ana te panoni i ngā mahi ahakoa te aha, ā e āhei ana te whai oranga i roto i tēnei ao rautau 21 arā te ao ao matihiko.  Ko te hiahia kia kotahi te whakaaro, kia kotahi te aronga o ngā kaiako katoa e whai ana i tēnei huarahi mā tērā ka whai oranga ngā ākonga ki roto i ngā mahi katoa.

Teihana 2.  I tēnei tau, ko te hiahia, otirā te moemoea kia aro tātou katoa ki tēnei ao matihiko i te mea koira te ao o ngā ākonga o anamata.  Ka hui ngātahi mātou ia rā ahakoa te tōmuri o ētahi rānei te nuinga i ia rā, ka whai wāhi tātou katoa ki te whakawhiti kōrero mō ngā mahi o te wā.  kua āhua haurua te rōpū, tokorua o mātoiu e koke rawa whakamua ana i roto i ngā mahi ā, he tokorua anō e noho ana ki tēnei ao pepa, ahakoa ka whakamahi rorohiko, ko tā rāua he kaha pūreretā i ngā mahi, me te hōhā hoki o tērā āhuatanga.  Heoi koia rā te hiahia nē, kia noho ngātahi kia noho hāpori tātou katoa i roto i ngā mahi katoa ahakoa te mahi. I te mea ko tātou te hunga e ngana ana ngā practitioners Wenger-Trayner and Wenger-Trayner (2015) arā ngā kaimahi e para ana i tēnei huarahi, ko te aronga kia noho hāpori tātou katoa o Poumua hei hāpori o ngā kaimahi e para katoa ana i tēnei ao o te ao matihiko.

Ki te tiro atu tātou ki te kounga ākonga o Te Kura Māori o Porirua ko te hiahia kia tupu whakaritorito ngā ākonga i roto i ngā mahi katoa e whai ana e ia.  Ko ngā pūkenga ka ako, he pūkenga hei hāpai i a ia kia tipu i roto i tōna ao i te kura, otirā tōna ao pakeke.  Kia whakarite i a ia anō mō ngā rā kei tua atu o te kura, ki te hiahia whai huarahi ki ngā whare wānanga e āhei ana, ki te hiahia ki te whai mahi, ā e āhei ana hoki i tērā.

Ko te aronga o te whakamahi i te Tīemiemi me te Trello i a rātou tau 6-8 e āhei ana te whakarite, te whakaraupapa i ngā mahi, he aha ngā mahi me whakaoti i a rātou i taua wā tonu a taiho ake rā rānei. Ā ko te taha ki a Tīemiemi he wāhi kia noho ngā akoranga katoa ki tētahi wāhi.  Kua kaha kite au he huarahi mutunga kore a Tīemiemi, ka pakari ake ngā āheinga ia rā, ka whakahoungia a tīemiemi i wā rātou wāhanga kia pai haere, kia ngāwari ake ngā mahi a te kaiako.

Teihana 3. Kotahi noa te aronga o te kaiako he whakaako i ngā ākonga, he tutuki pai i ngā hiahia katoa, he eke taumata anō i roto i te ao Matihiko ahakoa Māori mai ahakoa Pākehā mai.  Heoi ki te aro noa ki taku taha Māori, arā te mau i ōku mōwhiti Māori nei ka āhua whānui ake ōku kitenga, ki ngā tanga katoa arā te manaakitanga, te whanaungatanga, te kaitiakitanga, te tuakana/teinatanga koira tātou e ako tonu ana i ngā pūkenga kia ora i roto i te rautau 21.  Ko te mea uaua mō te taha kura Māori he whakaako i ngā tamariki me ngā taupānga reo Pākehā nei, ko te mea matua kia noho pū ki te reo Māori mā reira tātou anō e whai oranga ai.  Mā tērā ka rangatira ai te whakatauki a tō tātou kura "He kura te Tangata" ko te tangata te mea nui.

Reference

Jay, J., & Johnson, K. (2002). Capturing complexity: a typology of reflective practice for teacher education. Teaching And Teacher Education, 18(1), 73-85. http://dx.doi.org/10.1016/s0742-051x(01)00051-8

 Wenger-Trayner, E., & Wenger-Trayner, B. (2015). Communities of practice a brief introduction

Leffler, N: Communities of Practice need some Practice retrieved from:

https://www.technkl.com/communities-of-practice-need-some-practice/

Week 18 - Future-oriented Learning and Teaching

Hei mahi 2: He whai whakaaro ki ngā panonitanga i roto i ngā ahu anamata whakaako. 
Create a Reflective entry to critically reflect upon how you have positivey changed your practice during your postgraduate journey. 

Whakaaturanga
He hiahia nōku ki te whakarite i ngā heimahi katoa ki runga i a SeeSaw kia tīmata i tēnei huarahi o te flipped learning.
I whakaaro, he ngāwari ake mō ngā reanga 6-8 ki te whakahaere i tā rātou ake akoranga.

1.I te tīmatanga o te tau, i tīmata au te whakaaro mō ētahi huarahi whakaako tauhou ki ahau.  Nā te noho ki roto i tētahi akoranga MindLab i hua mai te whakaaro ki aro ki tēnei me te flipped learning, mā te whai i te huarahi Seesaw hei hāpai ake i tēnei o ngā hiahia.  I tīmata au te noho tahi ki ōku hoa mahi, me te kaha whakawhiti kōrero mō tēnei o ngā huarahi, me taku mōhio he uaua te whakaako i te hunga tawhito e kore e hiahia nei ki te mōhio mō te ao o naiānei ngā akoranga mō te ao matihiko.  Ko tāku kia tino aro atu ki te whakapakari i ngā ākonga kia whai wāhi ki te mahi motuhake katahi, karua ka tipu i te hunga e āhei ana te whai whakaaro mōna anō.
I mua rā ko tāku e noho ana ki roto i te ao o te anei ngā mahi, whai mai i ahau, kaua e aro ki mahi kē atu, he aro ki te rori tōtika heoi nā tērā ka tīmata ki te tipu mai te hunga karetao, e whai ana i ngā āhuatanga o te kaiako.  He pai noa tēnei huarahi kia tutuki pai ngā aromatawai heoi anō mō te tipu i ngā ākonga e āhei ana te whakaako mōna anō. Ā kāore hoki tēnei i whakamana i ngā mātāpono o tōku kura arā, te whaiwāhitanga, te whanaungatanga, te kaitiakitanga, me te rangatiratanga.

He aha ngā panonitanga i whai.

1.  I whakaemi i te Tīemiemi(SeeSaw) ki roto i ngā mahi o ia rā
2.  I whai wāhi ki te whakaako ki ngā ākonga me pēwhea te whakamahi i te Tīemiemi
3.  I whakaatu i ngā āheinga whānui rawa ki te aro tātou ki runga i a Tīemiemi
4. I whakaatu i ngā heimahi me whakaoti ngā ākonga heoi ko ngā hei mahi katoa mō taua wiki, ā ko tā rātou he whai wā ki te whakaoti i ngā mahi, kei a rātou hoki te kōwhiringa mō te raupapatang ao ngā mahi.

2. (aku whīra) I te tuatahi i āhua āmaimai ahau ki ēnei akoranga me taku pōhehe ka kore ngā ākonga e rata ana ki ēnei momo mahi, ka kore e rata ki āhau, ka kore au e taea te whakatutuki i ngā whāinga i ngā hiahia a ngā ākonga.  Heoi i whakarerea aua whakaaro me taku kaha aro ki ngā tamariki kei mua i ahau, me te aro ki aku mahi me whakatutuki.

Whakapono katoa au ki tēnei o ngā mahi, nā te kaha noho o ngā ākonga ki roto i te ao matihiko, ko ngā akoranga mai i a Mindlab kua tipu rawa aku mōhiotanga i roto i te ao matihiko, me taku whakatau ko te kaiako tērā e ngana ana ki te whai haere i te whiore a ngā ākonga.  Ko tāku me koke whakamua kia hīkoi ngā tahi au me aku ākonga i roto i te ao matihiko nei.

3. (aromātai) Mai te tīmatanga o ngā mahi i kite ko ngā tau 6 tērā e arahi ana i ngā mahi mō te taha ki te tīemiemi, heoi ko ngā tau 7-8 ērā  e arahi ana i runga i te mōhio pai rawa ki tēnei ao o te ao matihiko.  Mā te whakamahi i te Tīemiemi, he ngāwari rawa te taha ki te whakamahere i ngā heimahi mō te wiki, otirā ngā heimahi mō taua akoranga katoa.  I kite i ngā atapaki o ngā mahi i taua wā tonu, e āhei ana te whai mōhiotanga mō ngā akoranga a ngā ākonga i taua wā tonu.

I rata ngā ākonga ki te huarahi hou a tātou, ahakoa kua whakarite kētia tēnei momo huatahi inā rua tau ki muri heoi ko te para tonu i taua huarahi tātou e whai nei.

E mōhio marika ana ahau ki te kore te katoa o ngā kaiako i roto i te reanga tau 6-8 e whai i tēnei huarahi Tīemiemi mō te taha ki te flipped learning, ka whai noa iho mō te taha he wāhi whakairi i ngā mahi a ngā ākonga ka kore tātou e whai hua i roto i ngā mahi katoa. Me mahi tahi tātou ā me whakapakari ake i ngā pukenga whakawhiti kōrero.

4(tātari) Nā te whai i tēnei huarahi i panoni katoa tōku ao whakaako, ahakoa he ngāwari mōku te aro ki ēnei o ngā mahi, ko te huarahi uaua ko te panoni haere ōku ake whakaaro kia whai hua ēnei mahi matihiko.  Nā tērā e āhei ana te kite i te hononga o ngā mahi nei ki te Personalising learning, kua kite au i te takitahitanga o te tangata, ā kia kaua au e aupēhi i te tamaiti ki whai i te huarahi a tangata kē atu.  Ko tāku kia puawai aku pūkenga i noho tau, heoi kia whai tonu i tēnei huarahi o te kaiako i roto i ngā rautau 21, me ōna pānga katoa.  Heoi anō he whai tonu i tēnei huarahi mutunga kore ā, e whai pānga ana ki ngā kōrero a Hargreaves (2003).  Ko tāku me rite rawa ahau, aku mahi kia rite ngā ākonga ki te whai i ngā mahi.

5(whakakapi) Ki ōku nei whakaaro mā te aro ngātahi ki tētahi o ngā hei mahi katahi tātou ka aro ki te katoa o ngā mahi, mā te āta whāinga i ngā mōhiotanga me pēwhea ngā kawekawenga o ngā mahi ka hua ai ngā mōhiotanga a ngā ākonga, ā e āhei ana rātou te whakahaere i ngā ākoranga, te hāpai ake i wā rātou hoa mahi tātou e whai hua ai i roto i te ao o te rautau 21, otirā ngā mahinga o te ao matihiko.

6( he anga whakamua) ka aha ahau inaianei? Ko ahau tērā inaianei e whakaaro ana, uuu e pēwhea hoki au e whakatutuki i tērā ki runga i a Tīemiemi he whakarite i aku mahi katoa ki runga ake o Tīemiemi.  He ngana ki te panoni haere i ngā tainatōra(ōku hoa mahi) nei te pakeke kia peka mai ki tēnei ao hou, aro ko te ao Matihiko.  Heoi ka aro tonu ki te kounga o te mahi kaua ko te rahinga o ngā mahi ka puta mai.

Rārangi pukapuka

Bolstad, Gilbert, McDowall, Bull, Boyd & Hipkins, (2012): Supporting future-oriented learning
& teaching — a New Zealand perspective

Clayton Christensen Institute (2017) Retrieved from: https://www.blendedlearning.org/models/

Hargreaves, A (2003) Teaching in the knowledge Society: Education in the Age of Insecurity

Week 17 - Reflective Practice

Teihanga 1 (Descriptive stage) - āta whakamārama tōku huarahi whaiwhakaara
He aha ai i kōwhiri i tēnei huarahi.
- kia whakapakari ake ōku pūkenga matihiko
- kia wero i ahau anō
- kia ako pukenga hou kia whakaako atu ki ngā tamariki
- kia hākoakoa aku mahi matihiko
- kia whai wāhi au ki te tūhura ki ngā huarahi rerekē hei hāpai ake i taku taha whakaako.

He kaiako ahau ki roto i ngā akomanga tau 6-8, koia nei taku tau tuatahi kua aro atu ki tēnei o ngā reanga.  Ko tāku e hiahia ana kia eke ki tēnei o ngā taumata nā taku noho kiriora ki roto o tōku ao kaiako, 4 tau au e noho ana ki ngā akomanga tau 3-5 i tino waiā haere au ki taua reanga nā reira kāore au i te tino wero atu i ahau anō.

I ahau e kōrero ana ki tētahi o ōku hāpai ō, me tana kī mai ki ahau kua tae ki te wā me nuku koe, eke anō, kia wero atu i a koe anō.  Ko tāku i te tuatahi kāore i te paku pīrangi kia nuku nā tāku mataku, katahi, nā taku kore hiahia kia tuku atu i ngā taura (hard to let go) me taku whakaaro KAO koianei te huarahi pai ki ahau, koia nei te reanga mōku.

Ko tāku ka kaha noho puku me te whawhai ki ahau anō, mō aku hiahia, mō aku kore hiahia rānei.  Ka noho au ka whakaaro me tōku kotahi, me taku āmaimai, ka aha inā ka nuku ahau, ka aha ki aku tamariki.  Koinei te mea uaua ko te whakawātea i ahau anō mai aku tamariki.  Heoi i haere ngā mārama ngā wāhanga ka puta mai anō taua kōrero "kua rite koe kia nuku, me nuku" me taku whakaaro ae.

Mō te taha ki te whaiwhakaaro, mō te whakaputa rānei i aku kōrero, ka tāpirihia ki runga i a Interlead, heoi ruarua noa iho ngā wā ka noho au ki te tuhi kōrero.

Teihana 2 (Comparative stage): Whaiwhakaaro ki ngā huarahi rerekē, ngā whakaaro a tangata kē ki tā te tirohanga rangahau.

I ahau e pānui ana i ngā tuhinga a Finlay (2008) me taku whakaaro mō ngā wāhanga e rima mō te taha ki te whaiwhakaaro (reflection) He tere (rapid) nō mātou ngā kaiaka ki te panoni i ngā whakahaerenga o roto i te akomanga ki te panoni ngā āhuatanga o te rā, ngā āhuatanga ā ngā tamariki, ngā āhuatnaga a ngā kaiako.  Heoi i ētahi wā he maha ngā wāhanga me kaha whakatikatika (repair) nā tēnei o ngā panonitanga nā te kore mōhio o ngā kaiako, nā te kore hiahia rānei ka noho matakana nei te tangata.

Mō te taha ki te arohaehae(review) i ngā mahi ka tiro tātou ki te arotake AIO, he aha ngā wāhanga i i pai Ake, ngā wāhanga i pai Iho, otirā te wāhanga i whakaOhorere i a mātou. Ki reira mātou e kaha wetewete ana i ngā nekehanga o ngā mahi, he aha i pai ai, he aha i raru ai, ā e pēwhea tātou e whakatika i ngā mahi.  Koinei ka hua mai ko te taha ki te rangahau i ngā huarahi hei pāinga mā tātou.

Teihanga 3 (Critacal Reflection)

He āta aro haehae i ngā mahi.  Koinei tētahi mea ngāwari māku he aro ki ngā mea kāore i pai, he aro ki ngā wāhanga i pai ai, heoi ko te taha uaua ko te whakarite i te huarahi ka aha inaianei.  Mā te aha i te whakaaro, koira te whakautu i te nuinga o te wā  engari kao ka aha tātou kia whakapakari ake. Me aha tātou.

Nā te āta wetewete i aku huarahi whaiwhakaaro kua kite au me whai tonu au i te huarahi wetewete kia ruku hohonu i roto i ngā mahi katoa.  Kia kite i ngā hua me pērā aku whakaaro inā kei te ako au i ngā mahi kapa haka, ka tino wetewete ahau i ahau anō kia tika rawatia aku mahi, kia tika te hanga o te tinana, kia tika ngā nekehanga. Nā me pērā ahau i roto i aku mahi katoa.

Kohinga kōrero

Larrivee, B. (2000). Transforming Teaching Practice: Becoming the critically reflective teacher. Reflective Practice.

Finlay, L. (2009). Reflecting on reflective practice. Practice-based Professional Learning Centre, Open University. Retrieved from 
http://www.open.ac.uk/opencetl/sites/www.open.ac.uk.opencetl/files/files/ecms/web-content/Finlay-(2008)-Reflecting-on-reflective-practice-PBPL-paper-52.pdf

Jay, J.K. and Johnson, K.L. (2002). Capturing complexity:
a typology of reflective practice for teacher education.
Teaching and Teacher Education, 18, 73-85.

Whakataukī - School Motto. (2018). Kura-porirua.school.nz. Retrieved 15 April 2018, from http://www.kura-porirua.school.nz/263/easy_pages/156-whakatauki-school-motto